“San-Antonio Spörs” Sandro Mamukelaşvili ilə yeni müqavilə imzaladığını rəsmən bəyan edib. Məlumata əsasən, tərəflər 1 illik sözləşmə imzalayıblar. 24 yaşlı basketbolçu bu müddət ərzində 2 milyon dollar məvacib alacaq.
Xatırladaq ki, gürcü oyunçu keçən mövsümün ortalarından San-Antonio komandasında çıxış edir. Həmin müddət o sərbəst agent idi. Belə ki, keçmiş komandası “Miluoki Baks” onu komandadan xaric etmişdi.
“Spörs”də çıxış etdiyi müddətdə Mamukelaşvilinin orta göstəriciləri oyun başına 10,8 xal, 6,8 ribaund və 2,4 assist təşkil edib. Onun 3 xallıq atışlarının faiz göstəricisi isə 34,8 olub.