Bernardo Silva “Barselona”ya can atır. PSJ-nin israrla istədiyi yarımmüdafiəçi “Mançester Siti”dən ayrılarsa, məhz İspaniyaya gedəcək.
Futbolinfo.az xəbər verir ki, parislilərin “Barselona”dan Usman Dembeleni heyətinə qatmaq üzrə olması Silvanı da arzusuna yaxınlaşdırıb. İspaniya nəhəngi fransalını məhz Bernardo ilə əvəz etmək niyyətindədir.
Lakin portuqaliyalını heyətinə qatmaq “Barselona” üçün asan olmayacaq. “Şəhərlilər” 2025-ci ilin yayınadək müqaviləsi olan 28 yaşlı oyuçu üçün 80 milyon avro istəyir. İspanlar Dembelenin satışından əldə edilən vəsaitə müəyyən qədər əlavə etməklə Silvanı ala biləcəklərini düşünür.