Bu gün futbol üzrə Misli Premyer Liqasında 2023/2024 mövsümünə start veriləcək. Açılış oyunu Bakıda baş tutacaq.
Futbolinfo.az xəbər verir ki, uzun fasilədən sonra çempionata qayıdan “Araz-Naxçıvan” “Turan Tovuz”u qəbul edəcək. “Dalğa Arena”da keçiriləcək görüş saat 20:00-da başlayacaq.
İki komanda indiyədək Premyer Liqada bir-birinə rəqib olmayıb. Və hər iki komandanın stadionla bağlı problemi var. Naxçıvanlılar muxtar respublikada şəhər stadionunda aparılan işlərlə bağlı mövsümün ilk yarısını Bakıda keçirəcəksə, tovuzluların eyni səbəbdən Mərdəkana gəlməsi qısamüddətlidir. Belə ki, artıq növbəti ev oyununun yerini dəyişməə ehtiyac olmayacaq və rəqiblər Tovuzda meydana çıxacaq.
Misli Premyer Liqası
I tur
20:00. “Araz-Naxçıvan” – “Turan Tovuz”
Hakimlər: İnqilab Məmmədov, Namiq Hüseynov, Asiman Əzizli, Kamran Əliyev.
VAR: Rəvan Həmzəzadə.
AVAR: Müslüm Əliyev.
Hakim-inspektor: Vüsal Əliyev.
AFFA nümayəndəsi: Elgiz Abbasov.
“Dalğa Arena”.
Qeyd edək ki, turun “Səbail” – “Sumqayıt” və “Qarabağ” – “Zirə” matçları avqustun 5-də, “Kəpəz” – “Neftçi” və “Sabah” – “Qəbələ” görüşləri isə 6-da keçiriləcək.