“Boston Seltiks”in sahibi Vayk Qrusbek 2026-cı ildə MBA “All-Star” tədbirinin Bostonda keçirilməsini arzuladığını bildirib. Bu barədə The “Boston Globe”un müxbiri Adam Himmelsbax məlumat verib.
Qeyd edək ki, Bostonda 1964-cü ildən bəri “All-Star” keçirilməyib.
“Biz buna səy göstəririk. Planlaşdırmaq üçün müəyyən vaxta ehtiyacımız var, amma işlərin getdiyini söyləyə bilərəm”, – deyə Qrusbek azarkeşləri sevindirib. Əlavə edək ki, klub 2026-cı il üçün artıq rəsmi müraciət göndərib.
Boston elə də böyük şəhər deyil. Bu mənada müəyyən narahatlıqlar yarana bilər. Amma son illərdə bir çox kiçik şəhərlər belə tədbiri uğurla təşkil edib. Misal üçün iki il əvvəl Klivlenddə möhtəşəm həftəsonunu xatırlatmaq kifayətdir.