Azərbaycan Premyer Liqasının 4-cü turunda keçiriləcək “Qarabağ” – “Kəpəz” qarşılaşmasının biletləri iticket.az-da satışa çıxarılıb.
Futbolinfo.az xəbər verir ki, biletlərin qiyməti sektorlara uyğun olaraq dəyişir.
Qapıarxası və künclərdə yerləşən sektorlar 3 manat, mərkəzi sektorlar 7 manat, VIP biletlər isə 15 manat təşkil edir.
Biletlər bu gün və sabah iticket.az-da onlayn, həmçinin oyun günü “Azersun Arena”nın kassasında da satışda olacaq.
Sabah “Azersun Arena”da baş tutacaq oyuna saat 20:45-də start veriləcək.