“Mançester Siti” Mateus Nunyesi transfer etmək istəyindən əl çəkmir. “Şəhərlilər” arzusunu reallaşdırmaq üçün yeni təklif paketi hazırlayıb.
Futbolinfo.az xəbər verir ki, baş məşqçi Xosep Qvardiolanın ən böyük hədəfi olan oyunçu üçün “Vulverhempton”a 50 milyon avroluq təklif göndərilmişdi. Razılıq əldə olunsaydı, bu komanda daha 5 milyon avro bonus qazanmaq imkanı əldə edəcəkdi. Yeni təklif isə 60 milyon avrodur.
Futbolçunun özü ilə şəxsi müqavilənin razılaşdırılmasında problem yoxdur. Əsas məsələ 70 milyon avro qazanmaqda israrlı olan “Vulverhempton”u razı salmaqdır. 25 yaşlı portuqaliyalının İngiltərəyə ötən yay gəldiyini xatırladaq. 5 illik müqavilə bağlayan Premyer Liqa klubu “Sportinq”ə onun üçün 45 milyon avro ödəmişdi.