“Vacib qələbə qazandıq. Səfərdən 3 xalla qayıtmaq sevindiricidir”. Bunu futbolinfo.az saytına açıqlamasında “Səbail”in futbolçusu Pedro Nuno deyib.
O, Misli Premyer Liqasının 4-cü turunda səfərdə “Turan Tovuz”a qalib gəldikləri matçdan danışıb: “Əvvəlki matçlarda da yaxşı oynamışdıq, təəssüf ki, bəxtimiz gətirməmişdi. Bu oyuna olduqca yaxşı başladıq. Erkən vurduğumuz qol komandanın daha yaxşı oynamasına, inamlı çıxışına şərait yaratdı. Nəticə olaraq vacib qələbə qazandıq. Çox yaxşı komandamız var, nisbətən zamana ehtiyacımızın olduğunu düşünürəm. Bir neçə oyundan sonra daha yaxşı olacağıq”.
Xatırladaq ki, “Səbail” Tovuzda 3:1 hesablı nəticəyə sevinməklə mövsümdə ilk qələbəsini qazandı.