Mərkəz yarımmüdafiəçisi axtarışında olan “Liverpul” Rayan Qravenberxi transfer etmək istəyir. Mersisasaydlılar Niderland milisinin üzvü üçün rəsmi təklif göndərəcək.
Futbolinfo.az xəbər verir ki, “Bayern” oyunçusu ilə vidalaşmağın əleyhinə deyil. Hər iki klub müzakirələr aparsa da, son nəticəyə gəlinməyib. Yarımmüdafiəçinin satış qiymətində razılıq əldə edilərsə, rəsmi təklif göndəriləcək. Hələlik 21 yaşlı oyunçuyla bağlı şifahi danışıqlar gedir.
Qravenberxi “Mançester Yunayted” də istəyir. Lakin “qırmızı şeytanlar” Sofian Amrabat transferi alınmayacağı təqdirdə Rayana diqqəti artıracaqlar. Hazırda “Fiorentina”nın mərakeşli üzvü ilə də danışıqlar gedir. Lakin Amrabat maliyyə məsələləri üzündən mançesterlilərlə anlaşmağa yaxın görünmür. Bu səbəbdən Qravenberxi “Liverpul”un yox, “Mançester Yunayted”in alması mümkündür.