Lionel Messinin formasını geyindiyi “İnter Mayami” MLS-də növbəti oyununu keçirib. Argentinalı ulduzun komandası azarkeşləri önündə “Neşvill”i qəbul edib.
Oyun qolsuz başa çatıb – 0:0. 90 dəqiqə meydanda olan Messi “İnter Mayami”də ilk dəfə fərqlənə bilməyib. Komanda hazırda 24 oyuna 22 xalla 14-cü sırada qərarlaşıb.
Messi MLS klubunda 9 oyunda 11 qol vurub, 3 məhsuldar ötürmə edib. Amma bu matçların əksəriyyəti çempionatda deyil, kubok mübarizəsində reallaşıb.