“Mançester Siti”nin müdafiəçisi Joau Kanselu icarə əsasında “Barselona”ya keçib. Bu barədə Kataloniya təmsilçisi məlumat yayıb.
Bildirilib ki, 29 yaşlı futbolçunun icarəsi 30 iyun 2024-cü il tarixinədək qüvvədə olacaq.
Qeyd edək ki, “Transfermarkt” Portuqaliya millisinin üzvünün bazar dəyərini 50 milyon avro olaraq qiymətləndirir. Kanselu ötən mövsümün ikinci yarısını icarə əsasında “Bayern”də keçirib və burada Almaniya çempionu olub. O, Bundesliqada 15 oyuna çıxıb, 1 qol vurub, 4 məhsuldar ötürmə edib.