Türkiyə Super Liqası təmsilçisi “Qaziantep” baş məşqçisi Erdal Güneşlə yolları ayırıb.
Futbolinfo.az xəbər verir ki, bu barədə klubun saytı məlumat yayıb.
“Qaziantep” Türkiyə Super Liqasında 0 xalla sonuncu pillədə qərarlaşıb. Komanda 4-cü turda evdə “Qalatasaray”a 0:3 hesabı ilə uduzub.
Xatırladaq ki, bu, Türkiyə çempionatında 2023/2024 mövsümündə 2-ci baş məşqçi istefasıdır. Bundan əvvəl Emre Belözoğlu da “Başakşəhər”dən ayrılmışdı.