Ben Çiluell azarkeşləri səbrli olmağa çağırıb. “Çelsi”nin cinah müdafiəçisi komandanın nəticələrinin yaxşılaşacağın əmindir və bir qədər zamana ehtiyac olduğunu deyir.
Futbolinfo.az xəbər verir ki, londonluların aparıcı üzvü müsahibəsində indiki durumu dəyərləndirib: “Səbr etməliyik. Təbii ki, azarkeşlərin “Çelsi”nin hər həftə qələbə qazanmasını arzulamasını anlayıram. Bu, onların alışdığı bir şeydir və təbiidir. Amma bizim bir qədər zamana ehtiyacımız var”.
“Zadəganlar”ın üzvü rəhbərliyin gördüyü işlərdəm məmnundur: “Klub başbilənləri böyük işlər görür. Baş məşqçi Mauritsio Poçettino da ona hər şəraitin yaradılmasının fərqindədir və əla işlər görür. O, hazırda istədiklərini futbolçulara aşılamaqla məşğuldur. Çox gənc heyətimiz var, komanda oyunumuz düzəlndən sonra əla gələcəyimiz olacaq”.