Adrian Mutunun “Neftçi”nin baş məşqçi postuna təyinatı Rumıniyada təkcə “Rapid”i baş məşqçisiz qoymayıb, həm də “Antena 1” telekanalını ekspertdən məhrum edib. Məsələ burasındadı ki, Mutunun ölkəsində olduğu zaman “Antena 1” kanalı ilə də müqaviləsi olub. Buxarest “Rapid”i qısa müddət sonra Kristiano Berqodiyə tapşırılmışdı.
Futbolinfo.az Rumıniya mətbuatına istinadən xəbər verir ki, “Antena 1” də, nəhayət ki, boşluğu doldurub. Adıçəkilən kanal “Qalatasaray”ın əfsanəvi müdafiəçisi Georgi Popesku ilə müqavilə imzalayıb.
55 yaşlı mütəxəssisin ilk işi sabah AVRO-2024-ün seçmə mərhələsi çərçivəsində keçiriləcək Rumıniya – İsrail oyunu zamanı olacaq. O, həm bu, həm də sentyabrın 12-də Kosovo ilə keçiriləcək görüşün eksperti kimi fikirlərini bildirəcək.