Mərkəzi Aran Regional Gənclər və İdman İdarəsinin Zərdab rayonu üzrə gənclər və idman sektorunun təşkilatçılığı ilə yarış keçirilib.
Futbolinfo.az xəbər verir ki, uşaq, yeniyetmə və gənc idmançılar arasında sərbəst güləş idman növü üzrə rayon birinciliyi reallaşıb. Yarışda 50-ə yaxın güləşçi qalib adı uğrunda mübarizə aparıblar.
Gərgin keçən görüşlərin sonunda qalib gələn idmançılar medal, diplom və qiymətli hədiyyələrlə mükafatlandırlıb. İlk yerin sahibləri qarşıdan gələn Azərbaycan çempionatında iştirak etmək hüququ qazanıblar.
BƏHRUZ MUSAYEV, ZƏRDAB
