“Mançester Siti”nin Bernardo Silva ilə bağladığı yeni müqavilənin detalları bəlli olub. Portuqaliyalı yarımmüdafiəçini transfer etmək istəyən 50 milyon avroluq sərbəstqalma maddəsini təmin etməlidir.
Futbolinfo.az xəbər verir ki, ingiltərə klubu 2026-cı ilin yayınadək razılıq əldə etdiyi oyunçunun anlaşmasına xüsusi bənd salıb. Və bu, yalnız gələn yaydan etibarən qüvvəyə minəcək.
Silva PSJ və “Barselona”dan təklif alsa da, mühiti dəyişmək istəməyib. Yalnız Mançesterdə işləri qaydasında getməsə, o, gələn mövsümün əvvəlində seçim edə bilər. Həmin vaxt 50 milyon avro ödəyən istənilən klub Bernardonu almaq imkanına malikdir.