İtaliyanın “Empoli” komandasında baş məşqçi dəyişikliyi qeydə alınıb.
Futbolinfo.az xəbər verir ki, “Empoli” rəhbərliyi komandanın baş məşqçisi Paolo Zanettini istefaya göndərib.
Rəhbərlik “Roma”ya 0:7 hesablı biabırçı məğlubiyyəti ona bağışlamayıb. “Empoli” yeni mövsümə uğursuz başlayıb. Komanda 0:12 ümumi top fərqi ilə dörd məğlubiyyət alıb. Dörd turun nəticələrinə görə, Empoli A Seriyasının turnir cədvəlinin son pilləsindədir.
Artıq “Empoli”nin yeni çalışdırıcısı da bəllidir. Komanda əvvəllər da onu çalışdırmış Aurelio Andreatsoliyə tapşırılıb. 69 yaşlı italyan mütəxəssislə müqavilə bu mövsümün sonuna kimi nəzərdə tutulub.