Mauritsio Poçettino komandasının layiq olduğu xalları qazanmadığını düşünür. “Çelsi”nin baş məşqçisi İngiltərə Premyer Liqasının ilk turlarını şərh edərkən belə deyib.
Futbolinfo.az xəbər verir ki, argentinalı mütəxəssis digər komandalardan bəzilərinin layiq olmadığı xalları qazandığı düşüncəsindədir: “Mənim komandam çox işləyir, futbolçular kifayət qədər qaçır. Autsayderik, amma oyunumuza görə daha çoxuna layiq idik. Bizdən daha az çalışıb daha çox xal yığan komandalar var. Buna görə məyusam. Oyunçularım daha yaxşısına layiqdir”.
Poçettino tənqid hədəfi olan Nikolas Ceksonu növbəti dəfə müdafiə edib: “Onunla danışdım, bu qədər cəzalanması yaxşı deyil. Hakimlərlə mübahisəyə görə artıq 4 sarı vərəqə alıb. Bu, hücumçu üçün həddindən artıq çoxdur. O, məni anladı. Hələ gəncdir və əla futbolçu olacaq. Sakit, rahat olsa, qolları da sıralayacaq”.