“Arsenal”ın kapitanı Martin Edeqor klubla müqaviləsinin müddətini uzadıb.
Futbolinfo.az klubun mətbuat xidmətinə istinadən xəbər verir ki, norveçli yarımmüdafiəçi “topçular”la 2028-ci ilin yayına qədər nəzərdə tutulan yeni müqavilə imzalayıb.
24 yaşlı futbolçu 2021-ci ilin yayında 35 milyon avroya “Real”dan London klubuna keçib.
Edeqor ümumilikdə “Arsenal”da 112 oyun keçirib, 27 qol vurub və 15 məhsuldar ötürmə edib. O, bu mövsüm komandanın heyətində 7 oyunda 3 qol vurub.