“Flamenqo”ya artıq baş məşqçi kimi Xorxe Sampaoli və onun məşqçilər heyəti rəhbərlik etmir.
Futbolinfo.az Braziliya klubunun rəsmi saytına istinadən xəbər verir ki, “Flamenqo” rəhbərliyi argentinalı mütəxəssislə yollarını ayırıb.
Onun 2024-cü ilin sonunadək olan müqaviləsinə xitam verildiyi diqqətə çatdırılıb.
Sampaoli bu ilin aprelindən “Flamenqo”da çalışırdı. Onun rəhbərliyi altında komanda 39 oyun keçirib: 20 qələbə, 11 heç-heçə və 8 məğlubiyyət.