Bu gün minifutbol üzrə Azərbaycan millisi Birləşmiş Ərəb Əmirliklərinin Ras Əl-Xayma şəhərində təşkil olunan dünya çempionatında 1/8 final oyununa çıxıb. Elşad Quliyevin baş məşqçilik etdiyi komanda Portuqaliya seçməsi ilə üz-üzə gəlib.
Futbolinfo.az xəbər verir ki, komandamız 3:0 hesabı ilə qalib gələrək 1/4 finala yüksəlib. Millimiz bu mərhələdə Bolqarıstan – İngiltərə cütünün qalibi ilə qarşılaşacaq.
Qeyd edək ki, son Avropa çempionu olan Azərbaycan yığması mundialın G qrupunda mübarizəni maksimum nəticə ilə başa vurub. Milli qrupda həm Misirə, həm İraqa, həm də Küveytə qalib gəlib.
Azərbaycan – Portuqaliya 3:0
Qollar: Mirmehdi Rzayev, 30; Elvin Əlizadə, 45; Rəvan Kərimov, 50.