Erik ten Haq “Mançester Yunayted”in inkişafda olduğuna əmindir. Ardıcıl uğursuz nəticələr niderlandlı mütəxəssisi ruhdan salmayıb.
Futbolinfo.az xəbər verir ki, İngiltərə klubunun məşqçisi tezliklə yüksəlişə keçəcəklərini düşünür: “Həqiqi kimliyimizi tezliklə göstərəcəyik. Bu, an məsələsidir. Doğru yoldayıq və tezliklə əla nəticələr gələcək”.
Evdə derbidə “Mançester Siti”yə darmadağına baxmayaraq ten Haq rəqibləri ilə ciddi fərqlərinin olmadığını düşünür: “Burada hər matç böyük riskdir. Hər gün klubun hər bir üzvü üzərində təzyiq olur. Amma yaxında hamı əsl gücümüzü görəcək. Buna əminəm”.