“Tottenhem”in baş məşqçisi uğurunun sirrini açıqlayıb. Ange Posteqoqlou qələbənin açarının heç də pul xərcləmək olmadığı düşüncəsindədir.
Futbolinfo.az xəbər verir ki, yayda gəldiyi London klubunu İngiltərə Premyer Liqasının liderinə çevirən məşqçi deyib: “Bunun sadəcə pul xərcləməklə bağlı olduğunu heç düşünmədim. Məncə, əsas məsələ yüksək səviyyəli 24 oyunçuya sahib olmaq və onları düzgün yönəltmək nəticə qazanmaq üçün yetərlidir. Pulun hər şeyi həll etmədiyi çoxdan dəqiqləşib”.
Təcrübəli məşqçi ən yaxşı oyunçuları almaq üçün çox pul xərcləməkdənsə, heyətdəkilərin istedadını açmağı məqbul variant sayır: “Ən yaxşı oyunçular üçün böyük pullar xərcləmək çıxış yolu deyil. Əsas məsələ yanındakı futbolçuları düzgün yönəltmək, komanda ruhunu dirçəltməkdir”.
Posteqoqlou balanslaşdırılmış heyətə sahib olmağı vacib sayır: “Əsas odur, bərabər səviyyəli futbolçulardan ibarət bəlli heyətin olsun. Bütün futbolçular hər matçda oynamayacaq, amma oynadıqları zaman komandaya yardım edəcək, fərq yaradacaqlar”.