Futbol üzrə Niderland birinci divizionunda 14-cü turun oyunları keçirilib.
Futbolinfo.az xəbər verir ki, Azərbaycan milli komandasının yarımmüdafiəçisi Ozan Can Kökçünün formasını geyindiyi “Eyndhoven” də növbəti matçına çıxıb.
Sözügedən kollektiv evdə “Venlo” ilə qarşılaşıb və məğlubiyyətlə üzləşib – 0:2.
Ozan da bu görüşün iştirakçısı olub və 90 dəqiqə oynayıb.
“Eyndhoven” hazırda 21 xalla 20 kollektiv arasında 10-cu pillədə qərarlaşıb.