“Kəpəz”in yeni baş məşqçisi Adil Şükürovun müqaviləsinin detalları müəyyənləşib.
Futbolinfo.az saytının əldə etdiyi məlumata görə, 46 yaşlı mütəxəssis uzunmüddətli sazişə qol çəkib.
Belə ki, “Zirə”nin sabiq çalışdırıcısı gəncləlilərlə 2+1 illik sözləşmə imzalayıb. Yəni 2025-ci ilin sonuna qədər bölgə təmsilçisinin “sükanı arxasında” olacaq Şükürovun fəaliyyəti uğurlu olarsa, müddət daha 1 illik uzadılacaq. Onun “Kəpəz”də köməkçiləri isə İlyas Qurbanov və Zaur Əsədov olacaq. Ancaq baş məşqçi daha bir köməkçi götürməyi planlaşdırır. Sabiq baş məşqçi Azər Məmmədovun yardımçıları isə klubla vidalaşıb.