“Avropa Liqasında irəliləmək bizim üçün çox vacibdir”.
Futbolinfo.az xəbər verir ki, bunu “Molde”nin futbolçusu Fredrik Qulbrandsen deyib.
31 yaşlı hücumçu qrup mərhələsinin son iki turunda daha diqqətli olmağın vacibliyini vurğulayıb: “Rəqiblərdən çox ilk növbədə öz oyunumuza diqqət yetirməliyik. Başa düşürük ki, hər dəfə güclü komanda ilə qarşılaşırıq. Qrupun son iki turundakı rəqiblərimiz də çox güclü kollektivlərdir. Ancaq onlarla mübarizə aparacaq enerji və aqressivliyə malik olduğumuzu hiss edirik. Bu tempi davam etdirmək lazımdır”.
Qeyd edək ki, “Molde” Avropa Liqasının qrup mərhələsində növbəti oyununu noyabrın 30-da öz meydanında “Qarabağ”a qarşı keçirəcək. Hazırda hər iki komandanın aktivində 6 xal var.