21 yaşadək futbolçulardan ibarət Azərbaycan millisi bu gün yoxlama oyununa çıxacaq. Avropa çempionatının seçmə mərhələsinə hazırlıq məqsədilə Bakıda təlim-məşq toplanışında olan U-21 millimiz Latviya ilə qarşılaşacaq.
Matç “Dalğa Arena”da keçiriləcək və saat 18:00-da başlayacaq.
Qeyd edək ki, Samir Əliyevin komandası Avropa çempionatının seçmə mərhələsində noyabrın 21-də Ukrayna ilə qarşılaşacaq. Oyun İspaniyanın Mursiya şəhərindəki “Nueva Kondomina” stadionunda keçiriləcək. Görüş Bakı vaxtı ilə saat 22:00-da start götürəcək.