Əfsanəvi basketbolçu Şakil O`Nil Lebron Ceymslə birlikdə Las-Veqasda komanda yaratmağa hazır olduğunu bildirib.
“Əgər nə vaxtsa Las-Veqasda MBA-nın komandası olacaqsa, mən həmin layihədə məmnuniyyətlə iştirak edərəm. Lebronla, və yaxud da Lebronsuz, bunun heç bir əhəmiyyəti yoxdur.
Beysbol komandası məni maraqlandırmır. Bəlkə futbola marağım olar. Ancaq beysbola heç bir zaman. Basketbol layihəsində isə iştirak etmək istəyirəm.
İki növ sahibkar olur. Bəziləri yalnız özlərini göstərmək və öyünməyi xoşlayırlar. Bəziləri isə qərar qəbul edirlər. Mən qərarların qəbulunda iştirak etmək istəyənlərdənəm”, – deyə Şakil vurğulayıb.