MBA-da dünən 9 oyun keçirilib. Əksər qarşılaşmalar gərginliyi ilə seçilib. Bəzi görüşlərin taleyini cəmi 1 xal həll edib. Türkiyəli basketbolçu Alperen Şengünün çıxış etdiyi komanda da belə gərgin görüşlərinin birinin iştirakçısı olub.
Los-Ancelesdə keçirilən qarşılaşmada “Leykers” “Hyuston Rokets”i 105:104 hesabı ilə məğlubiyyətə uğradıb. Lebron Ceyms oyunu 35 xalla tamamlayıb. Alperen isə komandasının ən yaxşılarından olub. Türkiyəli basketbolçu dabl-dabl edib. O, 23 xaldan əlavə 10 ribaundla yadda qalıb. “Hyuston”un heyətində yalnız Brusks 24 xal toplamaqla Şengündən məhsuldar olub.
Digər oyunlar arasında “Yuta”nın overtaymda Finiksə 137:140 hesablı məğlubiyyətini qeyd etmək olar. Nikola Yokiçin yoxluğunda isə “Denver Naggets” Klivlenddə məğlub olub.