Gələn ildən etibarən “Mercedes-AMG F1 Team”in yeni rəsmi tərəfdaşı məşhur SAP şirkəti olacaq. Almaniyanın İT nəhəngi ilə gücünü birləşdirməklə Ştutqartdan olan konsernin zavod komandası müxtəlif sahələrdə əməliyyat səmərəliliyini artırmağı, eləcə də rəqabətədavamlılığın yeni resurslarını tapmağı hədəfləyir.
“SAP-ın “Mercedes-AMG F1” komandasının rəsmi tərəfdaşı olduğunu elan etməkdən məmnunuq. Biz ümumi irsi və innovasiya sevgisini bölüşürük və bu əməkdaşlıq trasdakı gücümüzə müsbət təsir edəcək.
SAP öz sahəsində qlobal liderdir və biz qarşıdakı illərdə performansımızı yaxşılaşdırmağa kömək edəcək ondan daha yaxşı tərəfdaşı təsəvvür edə bilmərik”, – deyə komandanın direktoru Toto Volf bildirib.