“Los-Anceles Leykers”in forvardı Lebron Ceyms MBA-nın tarixinə adını yazdırıb. O, liqa tarixində 39 min xal toplayan ilk basketbolçu olub.
Futbolinfo.az xəbər verir ki, yubiley xalını Lebron “Yuta” ilə oyunun ilk periodunda qazanıb. Onun uzaq məsafədən atışı dəqiq olub. Xatırladaq ki, bu oyuna qədər Lebronun aktivində 38 995 xal var idi.
Ötən mövsümün gedişatında, fevral ayında Ceyms əfsanəvi Kərim Abdul Cabbarı (38 387) qazanılan xalların sayına görə geridə qoyaraq 1-ci yerə qalxmışdı. Cabbar bu göstəriciyə görə uzun illər MBA-nın rekordçusu idi.
Qeyd edək ki, 38 yaşlı Lebron Ceyms MBA-da 21-ci mövsümünü keçirir.