Turində keçirilən tennis üzrə yekun turnirin final matçı İtaliya televiziya tarixinə düşüb. Belə ki, bu oyun ölkə televiziyası tarixində ən çox insan tərəfindən baxılan tennis oyunu olub. Görüşü 6,6 milyon azarkeş izləyib.
Xatırladaq ki, nüfuzlu titul uğrunda Novak Cokoviçlə italyan tennisçi Yannik Sinner mübarizə aparırdı. Qarşılaşmada serb tennisçi qələbə qazanıb. Oyun ümumilikdə 1 saat 40 dəqiqə davam edib.
Novak üçün bu, 7-ci titul olub. Beləliklə də o, yekun turnirdə qələbələrin sayına görə Rodjer Federeri keçib. Turinrdə qələbəyə görə Cokoviç 4,4 milyon avro qazanıb.