“Sevilya” yeni müqavilə bağlamağa hazırlaşır. Əndəlüs klubunun hədəfi Vilfred Ndididir.
Futbolinfo.az xəbər verir ki, “Lester”in 2017-ci ilin yanvarında “Genk”dən 18 milyon avroya transfer etdiyi yarımmüdafiəçi Çempionşip klubunda qalmaq istəmir. “Sevilya” da bu şansdan yararlanıb nigeriyalını heyətinə qatmağa çalışır.
Ndidinin “Lester”lə müqaviləsi mövsümün sonunda başa çatacaq. İngiltərə klubu onu azad agent kimi buraxmamaq üçün yanvarda satmağa çalışacaq. Amma futbolçu “Sevilya” ilə yayda müqavilə bağlamaq üçün ilkin razılıq əldə edib.