“Fikrimcə, həftəsonu daha yaxşı oyun nümayiş etdirəcəyik”
Futbolinfo.az xəbər verir ki, bunu “Neftçi”nin futbolçusu Ervin Koff “Araz-Naxçıvan”a qarşı keçirəcəkləri i Azərbaycan Premyer Liqasının 14-cü tur oyunundan əvvəl klubun rəsmi televiziyasına açıqlamasında deyib.
28 yaşlı müdafiəçi fasilə dönəmində yaxşı hazırlıq keçdiklərini bildirib: “Bəzi oyunçularımız milli komandalarında olduğu üçün bizimlə deyildi “Zenit”lə yoldaşlıq oyununda qələbə qazandıq. Bu, kollektivə çox yaxşı təsir edəcək. Uzun müddət doğma meydanda qələbə əldə edə bilmirdik. Ümid edirəm ki, bunun davamını gətirəcəyik”.
Fransalı oyunçu azarkeşlərə də müraciət edib: “Son nəticələrin pis olmasına baxmayaraq, fanatların dəstəyinə ehtiyacımız var. 11 nəfərlə meydanda işimizi görməyə çalışacağıq. Onlar da bizim 12-ci oyunçumuz olmalıdırlar”.
Qeyd edək ki, noyabrın 26-da reallaşacaq “Neftçi” – “Araz-Naxçıvan” görüşü saat 15:30-da start götürəcək.