Cənubi afrikalı atlet Oskar Pistorius zindandan vaxtından əvvəl azad ediləcək. Bu barədə CAR-ın islah idarəsindən məlumat verilib.
İdmançının günahından keçilmə işinə dünən baxılıb. Pistorius vacib olan minimal müddəti zindanda keçirdiyinə görə bu hüquqa malikdir. Amputant idmançı gələn ilin 5 yanvarında təcridxanadan buraxılacaq.
6 dəfə paralimpiya çempionu olan Pistorius 2013-cü ildə öz evində Stenkampı bir neçə güllə ilə qətlə yetirmişdi. 2014-cü ildə idmançı 5 illiyinə həbs edilərək zindana göndərilmişdi. Lakin bir ildən sonra o, ev dustaqlığına buraxılmışdı. Bütün bu hadisələr cəmiyyətdə narazılıq yaratdığına görə, onun işinə təkrar baxılmış və həbs cəzası 13 ilə qaldırılmışdı.