Dördqat dünya çempionu Sebastyan Fettel həmyerlisi Mik Şumaxerin karyerası barədə fikirlərini bildirib. Xatırladaq ki, gələn il o, dözümlülük yarışında çıxış edəcək.
“Karyerasının davam etməsi əladır. Sevindirici haldır ki, yarışmaq üçün yenə də bolidə əyləşəcək. Onun yaşında bu çox vacibdir. Formula 1-də qalmaq və orada gücünü sınamaq üçün də imkanı var.
Ona ən yaxşı arzularımı çatdırıram. İnanıram ki, Formula 1-də daha bir şans qazanacaq”, – deyə alman pilot Sport.de-yə müsahibəsində qeyd edib.
Əlavə edək ki, Mik Şumaxer iki mövsüm “Haas” komandasının sürücüsü olub.