Milli Hokkey Liqasının oyununda ilk dəfə olaraq Hyuz qardaşları eyni vaxtda buz üstünə çıxıblar. Üç qardaşın hamısı bu görüşdə məhsuldarlıq nümayiş etdirib.
Qeyd edək ki, hücumçu Cek və müdafiəçi Luka “Nyu-Cersi Devils”in heyətində çıxış edir. Müdafiədə oynayan Kuin isə “Vankuver Kenaks”ın şərəfini qoruyur. Görüşdə “Nyu-Cersi” hokkeyçiləri 6:5 hesabı ilə qələbə qazanıblar.
22 yaşlı Cek 3 (1+2) xal toplayıb və görüşün ən yaxşı oyunçusu seçilib. Onun ötürmələrinin birindən sonra 20 yaşlı qardaşı Luka qol vurub.
24 yaşlı Kuin isə oyun ərzində iki məhsuldar ötürmə edib.