Bu il draftda 1 nömrə ilə seçilən Viktor Vembanyama unikal göstəriciyə imza atıb. 19 yaşlı basketbolçu MBA-da bu mövsüm 50 blok və 25 topalma göstəricisinə malik ilk oyunçu olub.
Fransız basketbolçu bu mövsüm 19 oyunda meydana çıxıb. Start heyətinin dəyişməz üzvü olan Vembanyamanın orta statistik göstəriciləri 18,9 xal, 9,7 ribaund, 2,5 asist, 2,6 blok və 1,3 topalmadır.
Çıxış etdiyi “San-Antonio Spörs” komandası son oyunda lider “Minnesota Timbervuls”a məğlub olub. Hazırda fransız basketbolçunun komandası turnir cədvəlinin autsayderidir.