“Jirona”nın uğurlu çıxışı komandanın aparıcı oyunçularını transfer hədəfinə çevirib. Son turda səfərdə “Barselona”nı məğlub edərək La Liqada zirvəyə qalxan kollektivin bir sıra üzvü ciddi təkliflər alıb.
Futbolinfo.az xəbər verir ki, onlardan biri Migel Qutyerresdir. Sol cinah müdafiəçisinin əsas müştərisi isə “Real”dır. Madridlilər sabiq üzvünü düşərgəsinə qaytarmaq niyyətindədir.
“Jirona” “Bayern”, “Arsenal” və “Mançester Siti”nin də maraqlandığı futbolçunu yayadək heyətində saxlamaq istəyir. Klub uğuruna davam etmək üçün yanvarda kimsəni satmaq niyyətində deyil. Lakin təkliflər ciddi olduğundan fərqli qərar verilə bilər.
“Real” yetirməsini ötən yay 4 ilyon avro qarşılığında “Jirona”ya satmışdı. Yeni klubu ilə 2027-ci ilin yayınadək müqavilə bağlayan oyunçu klubunu dəyişərsə, ilk seçimi “Real” olmalıdır. Anlaşmada bununla bağlı bənd var. Madridlilər “Bayern”dən Alfonso Devisi ala bilməsə, Qutyerresi geri qaytaracaq.