Əfsanəvi futbolçu və məşqçi Zinəddin Zidan “Alpin” komandasının fransız pilotları Esteban Okon və Pyer Qasli ilə görüşüb. Komandanın rəsmi saytında verilən məlumata görə, o, Formula 1 pilotları ilə kartinq yarışında iştirak edib. Bundan başqa , Zidan “Alpin” akademiyasının gənc sürücüləri ilə də görüşüb.
Xatırladaq ki, bu ilin əvvəlində Zinəddin Zidan “Alpin” komandasının rəsmi brendi seçilmişdi. 1998-ci ilin dünya çempionu Fransa komandasının brendini dünyada daha məşhur etməlidir. Bu il keçirilən yarışlar arasında Zidan Monakoda komandanın qonağı olmuşdu.