Ruud Qullit Karlo Ançelottini digər böyük məşqçilərdən bir addım öndə bilir. Bu barədə Niderland millisinin sabiq lideri müsahibəsində deyib.
Futbolinfo.az xəbər verir ki, bir müddət məşqçi də işləmiş sabiq yarımmüdafiəçi fikrini əsaslandırıb: “Qazandığı Çempionlar Liqası kuboklarına görə italiyalının Aleks Ferqyusson və Xosep Qvardioladan daha yaxşı olduğunu düşünürəm. O, ən yüksək səviyyədədir və Avropada uğur kralıdır”.
Qullit əlavə edib: “Həm Qvardiola, həm də Ferqyusson tarixin bir parçasıdır, amma gəlin Ançelottinin nələri bacardığına baxaq. O, kralların kralıdır, hər kəsdən yaxşıdır və onunla qürur duyuram”.