“İnter Mayami”nin hücumçusu Lionel Messi və Səudiyyə Ərəbistanının “Əl-Nəsr” klubunun forvardı Krişitanu Ronaldo 2023-cü ildə “Google”da axtarılan ilk 10 idmançı sırasına daxil ola bilməyiblər.
“Google” axtarış sistemində sorğulara görə birinci yeri NFL-də çıxış edən “Buffalo Bills” komandasının yarımmüdafiəçisi Damar Hamlin tutub. İkinci yerdə Fransa PSJ-nin hücumçusu Kilian Mbappe qərarlaşıb. Üçüncü yer “Kansas City Chiefs” (NFL) komandasının oyunçusu Trevis Kelseyə məxsusdur.
Futbolçular arasında “Bayern”in və İngiltərə millisinin hücumçusu Harri Keyn də ilk “onluğ”a daxil olub. O, sıralamada beşinci yeri tutub. “Memfis Qrizliz” komandasının basketbolçusu Ja Morant dördüncü yerdədir.
Qeyd edək ki, Lionel Messi 2023-cü ildə “Qızıl top”u qazanıb. Argentinalı keçən yay azad agent kimi “İnter Mayami”yə keçib. Kriştianu Ronaldo 2023-cü ilin yanvarından “Əl-Nəsr”də çıxış edir.