Ötən gecə keçirilən oyunların birində “Detroyt Pistons” komandası “Miluoki Baks”a məğlub olub. Görüş 146:114 hesabı ilə başa çatıb. Bununla da Detroyt komandası ardıcıl 23-cü oyununda məğlubiyyətlə üzləşib. Bu isə MBA-nın ən uğursuz seriyalar arasında beşinci ən pis nəticənin təkrar edilməsi deməkdir.
Bu vaxta qədər MBA-da Detroyt komandasından daha uzun seriyaya Klivlend (1982-ci ildə 24, 2011-ci ildə 26 oyun) və Filadelfiya (2014-də 26, 2015-də 28 oyun) şəhərinin komandaları imza atıb.
Hazırda “Pistons” turnir cədvəlinin son pilləsindədir. Miçiqan komandası keçirdiyi 26 matçın yalnız ikisində qələbə qazanıb.