“Real” daha bir futbolçunu itirib. Müdafiəçi David Alaba mövsümün sonuna kimi sıradan çıxıb.
Futbolinfo.az xəbər verir ki, Tibo Kurtua və Eder Militao kimi Alaba üçün də cari mövsüm erkən başa çatıb. Dizində ön çarpaz bağları qırılan Avstriya millisinin üzvü 7-8 ay futbol oynamayacaq. Bu onun qarşıdakı Avropa Çempionatını buraxmaq ehtimalını da artırır.
Madridlilər Alabanın sıradan çıxması ilə yeni müdafiəçi almağa məcbur olacaq. Militaonun da yoxluğunu nəzərə alan baş məşqçi Karlo Ançelotti rəhbərliyə yeni mərkəz müdafiəçisi almağın vacibliyini bildirib. Qış transfer pəncərəsi dövründə hər hansı keçid reallaşacaq. “Real indidən axtarışa başlayıb.