Bu gecə MHL-də müntəzəm çempionat çərçivəsində “Detroyt Red Vinqs” – “Boston Bryuins” görüşü keçirilib. Oyun qonaqların 5:3 hesablı qələbəsi ilə yekunlaşıb. Bununla da onlar liqa tarixinin rekordunu yeniləyiblər.
Belə ki, Boston təmsilçisi 2023-cü ildə 32 səfər qələbəsi qazanıb. Bu vaxta qədər rekord “Çikaqo Blek Houks”a məxsus idi. Onlar 2013-cü ildə səfərdə 31 oyunda qalib gəlmişdilər.
Əlavə edək ki, Boston komandası hazırda Şərq konfransının turnir cədvəlində ikinci pillədə qərarlaşıb. Komanda 35 oyunda 50 xal toplayıb. Növbəti oyunda onların rəqibi “Kolambus Blyu Cakets” olacaq. Bu oyunu da “Bryuins” səfərdə keçirəcək.