MBA-da bu gecə keçirilən oyunlar arasında Memfisdəki görüşü qeyd etmək olar. Ca Morantın dönüşündən sonra xeyli irəliləyən “Qrizliz” Sakramentodan olan komandayla bacara bilməyib.
Görüşün qəhrəmanı Domantas Sabonis olub. Litvalı basketbolçu 13 xal, 21 ribaund və 12 assistlə oynayıb. Morantın aktivində isə cəmi 17 xal var. Ən çox xal toplamağı isə qonaqların basketbolçusu Malik Monk bacarıb. O, görüşü 27 xalla başa vurub.
“Los-Anceles Leykers” “Nyu-Orlean Pelikans”a məğlub olub. Lebron Ceymsin 34 xalı da kaliforniyalılara yardım etməyib.
Çempionatın lideri “Boston Seltiks” autsayder “San-Antonio Spörs” üzərində qələbə qazanıb. “Finiks Sans” doğma arenada “Orlando Mecik”i 112:107 hesabı ilə məğlubiyyətə uğradıb.