Formula 1 komandalarından “Haas”ın yeni başçısı məlum olub. İstefaya göndərilən Günter Ştayneri Ayu Komatsu əvəz edib.
Komandanın sahibi Cin Haas istefaya göndərdiyi Ştaynerə təşəkkürünü bildirib: “Əvvəla, Günter Ştaynerə son 10 ildə gərgin işlədiyinə görə təşəkkür etmək istəyirəm. Ona gələcək işində uğurlar arzulayıram.
İrəliyə can atmaq lazımdır. Bunun üçün də dəyişikliklərə ehtiyac var. Əsas da trasdakı nəticələri yaxşılaşdırmalıyıq. Ayu Komatsunu təyin etməklə mühəndis işinə güclü önəm verdiyimizi göstərməyə çalışırıq.
Müəyyən nailiyyətlərimiz var, lakin bunları davam etdirməliyik. Əlimizdə olan resurslardan effektiv şəkildə yararlanmalıyıq. Səbrsizliklə Ayu ilə birlikdə işlədiyimiz anı gözləyirəm”.