Hazırkı Avropa çempionu İspaniya milli komandası voterpol üzrə qitə birinciliyinin yarımfinalında Yunanıstan yığmasını 13:5 hesabı ilə məğlub edib. Bununla da onlar turnirin finalına vəsiqə qazanıblar.
Futbolinfo.az xəbər verir ki, digər yarımfinal qarşılaşmasında İtaliya və Niderland üz-üzə gəlib. Oyun həddindən artıq gərgin alınıb. Görüş 7:6 hesabı ilə Niderland millisinin xeyrinə başa çatıb.
Qeyd edək ki, voterpol üzrə Avropa çempionatının final görüşü sabah baş tutacaq. Həlledici oyunda hazırkı dünya çempionu Niderlandla İspaniya komandaları qarşılaşacaq.