Yeddiqat dünya çempionu Ronni O`Sallivan Londonda baş tutan ən nüfuzlu “Masters” turnirinin qalibi olub. Finalda o, həmyerlisi, dünya reytinqinin 10 nömrəsi Ali Karter üzərində 10:7 hesablı qələbə qazanıb.
Xatırladaq ki, yarımfinalda Ronni reytinqin 6-cısı Şon Mörfini məğlub etmişdi. Karter isə Mark Allendən üstün olmuşdu.
Turnirin mükafat fondu 844 min avrodur. Qalib 291 min avro qazanıb. Keçən il yarışın qalibi Cad Tramp olmuşdu. Bu dəfə o, ¼ finalda Ali Karterə məğlub olub.