Azərbaycanda kikboksinq idman növünün inkişafı üçün bir sıra addımlar atılır. Belə nümunələrdən biri də Tərtər rayonunda milli qəhrəman Elman Hüseynovun adına təsis olunan “Dəmir Yumruq” kikboksinq idman klubudur.
Ötən həftə klubun açılış mərasimi reallaşıb. Tədbirdə önə dövlət himniniz səslənib, şəhidlərimizin xatirəsi bir dəqiqəlik sükutla yad olunub. Ardınca şəhər ictimaiyyətinin nümayəndələri, məşqçi-müəllimlər və milli qəhrəmanızın yaxınları çıxış edərək bu addımı yüksək qiymətləndiriblər.
Klubun fəaliyyətə başlamasında əsas məqsədlərdən biri uşaq və yeniyetmələr arasında kikboksinq idman növünün kütləvləşdirilməsinə nail olmaqdır.
Açılış mərasimindən sonra idmançılar yeni istifadəyə verilən zalda ilk məşqlərini keçiblər. Məşqlərdə özlərini yaxşı tərəfdən görsədən idmançılar təşəkkürnamə ilə mükafatlandırılıblar. Onlar yeni idman klubunda qarşıdakı yarışlara hazırlaşacaqlar.
BƏHRUZ MUSAYEV, TƏRTƏR
