MBA-da bu gecə 3 oyun keçirilib. Hamının diqqətlə izlədiyi qarşılaşma Filadelfiyada baş tutub. “Siksers” ötən ilin çempionu “Denver Naggets”i qəbul edib.
Matçın əsas intriqası Embiid – Yokiç qarşıdurması olub. Belə ki, keçən mövsüm Embiid mövsümün ən dəyərli basketbolçusu seçildiyi halda, əksəriyyət məhz serbiyalını MVP-yə layiq hesab edirdi. Coel Embiid görüşü 41 xal və 10 ribaundla tamamlayıb. Yokiçin aktivində 25 xal və 19 ribaund var. Görüşün taleyi son periodda həll edilib. Filadelfiya təmsilçisi 126:121 hesabı ilə qələbə qazanıb.
“Finiks Sans” doğma arenada “Sakramento Kinqs”dən üstün olub – 119:117. Qonaqların mərkəz basketbolçusu Domantas Sabonis yenə də tripl-dabl edib.
Los-Ancelesdə “Klippers” “Oklahoma-Siti Tander”i 128:117 hesabı ilə məğlubiyyətə uğradıb. Pol Corc görüşdə 38 xal toplayıb. Hardenin aktivində 16 xaldan əlavə 8 asist var.